بہترین پیشہ وارانہ خصوصیات اور اچھا انعام

میرے رشتہ دار نے مجھے پاکستانی جرمن فیسلیٹیشن اینڈ ری انٹی گریشن سینٹر (پی جی ایف آر سی) کی جانب سے فراہم کی جانے والی خدمات کے بارے میں بتایا۔ اُس نے بھی پی جی ایف آر کے تربیتی کورس میں حصہ لیا تھا۔ اس طرح مجھے اپنا کاروبار کیسے شروع کرتے ہیں کہ تربیتی کورس کے بارے میں پتہ چلا۔ میرے رشتہ دار نے مجھے ٹیم سے رابطے کا مشورہ دیا۔ میں نے اگست 2021 میں اسلام آباد میں ہونے والے تربیتی کورس میں خود کو رجسٹرڈ کرایا۔

اس کورس کا ہدف وہ لوگ ہوتے ہیں جو خودمختار بننا چاہتے ہوں۔ ہم نے کھاتوں اور صارفین کیسے بناتے ہیں کہ بارے میں سیکھا۔ تربیتی کورس نے مجھے یہ بھی سکھایا کہ آپ کو اپنے کاروبار کو مسلسل ترقی دینے اور اُس میں سرمایہ کاری کرتے رہنے کی ضرورت ہے۔ یہی کامیابی کا راستہ ہے۔ تو میں ہر روز کی اپنی آمدنی میں سے کچھ حصہ الگ کرلیتا۔ میں اس رقم کو انتظامی اخراجات یاسامان کی خریداری میں استعمال کرتا۔

حفاظتی سامان اور مستحکم آمدنی

مجھے تربیتی کورس کے اختتام پر اوزاروں کا ڈبہ بھی فراہم کیا گیا جس میں ضروری اوزار موجود تھے۔ پاکستان میں خودمختار الیکٹریشنز کے پاس اس قسم کا حفاظتی سامان نہیں ہوتا۔ میں نے بھی یہ پہلے کبھی استعمال نہیں کیا تھا۔ تربیتی کورس نے مجھے اس کی اہمیت سے روشناس کرایا۔ اب سے میں اس کا استعمال کروں گا۔

تربیتی کورس نے کام کے حوالے سے میری سوچ اور رویے کو بالکل تبدیل کردیا۔ پہلے میں روز کی دیہاڑی کے بارے میں سوچتا تھا۔ تربیتی کورس کے بعد میں ایک خودمختار الیکٹریشن بن گیا اور اُس کے بعد سے مرمتی کام کی پیشکش کررہا ہوں۔ اس نے مجھے فوری آمدنی اور اپنے مستقبل کیلیے کچھ کرنے کے قابل بنایا۔

اپنے صارفین کیلیے سڑکوں پر

آغاز میں، میں اپنے گاوں کے مرکز میں اپنی دکان کھولنا چاہتا تھا۔ لیکن مقامی طور پر کام کی مانگ اتنی زیادہ تھی کہ اب میں اپنی موٹرسائیکل پر ہی صارفین کو ان کے گھر کی دہلیز پر خدمات فراہم کرتا ہوں۔

میں گھریلو اشیا جیسے کہ کپڑے دھونے کی مشین، پاور سسٹم یا بھی گاڑیوں کی بیٹریوں کی مرمت کرتا ہوں۔ اس کے ساتھ میں الیکٹرک کا ضروری سامان جیسے کہ روشنی والے بلب، سکرو ڈرائیور، برقی تار، استعمال شدہ ریڈیو اور میوزک پلیئر فروخت کرتا ہوں۔ میرے کئی چھوٹے معاہدے بھی ہیں جن میں نئے گھروں کی مکمل الیکٹرک وائرنگ کرنا بھی شامل ہے۔مجھے جس چیز کی سب سے زیادہ خوشی ہے وہ یہ کہ کئی ابتدائی صارفین میں سے میرے وفادار ہیں۔ انہوں نے دیگر لوگوں کو بھی اس حوالے سے بتایا کہ میں بطور الیکٹریشن مرمتی کام بھی کرتا ہوں۔

سنہ 2022 کے اوائل سے خودمختار بننے کے بعد میں نے 3 لوگوں کو کام پر رکھا اور اس وقت 2 لوگ کام سیکھ رہے ہیں۔ مجھے خوشی ہے کہ میں لوگوں کو روزگار فراہم کررہا ہوں یا اُنہیں کام سکھا رہا ہوں۔