من ناوم مەریەمە. ٢٩ ساڵم و هاوسەرگیریم کردووە و منداڵێکم هەیە. دەمەوێت ببمە نموونەیەک بۆ کچەکەم هەروەک دایکم بۆ من وایە. من فێری چنین بووم لە دایکمەوە ئەو کاتەی منداڵ بووم، و ئەمە بناغەیەکی پێبەخشیم بۆ دەستکردن بە بازرگانییەک دواتر. من بۆ ئەمە یارمەتیم وەرگرت لە پڕۆژەی "Agripreneur".

من خەڵکی ئەل کێفم، کە شارۆچکەیەکە لە باکوری-ڕۆژئاوای تونس. هەر لەسەرەتاوە، تەونی چنین ڕۆڵێکی گرنگی هەبووە لە ژیانمدا. دایکم ئەمەی بەکاردەهێنا بۆ بژێوی خێزانەکەمان، چونکە باوکم مرد کاتێک من تەمەنم تەنها نۆ ساڵ بوو. من گەورەترین منداڵ بووم و بۆیە یارمەتی دایکمم دا لە کارەکەدا، و ئێستا ئەو یارمەتیم دەدات لە بازرگانییەکەدا. ئێمەی ژن پاڵپشتی یەکتری دەکەین.

خوری سروشتی لە هەرێمەکەوە

دوای قوتابخانە، فەڕەنسیم خوێند، بەڵام نەمتوانی بڕوانامەکەم بەکاربهێنم بۆ دۆزینەوەی کارێکی گونجاو. بۆیە دووبارە یارمەتی دایکمم دایەوە، و بەهرەکانی چنینم بەرەوپێش برد. دواتر شتێک ڕایچڵەکاندم: هەموو کارگەکانی چنینی دەوروبەرمان خوریەکەیان لە دوورەوە بۆ دێت. ئەوان چەندان کاتژمێر گەشت دەکەن و پارەیەکی زۆر خەرج دەکەن بۆ بەدەستهێنانی. دەمەویست ببمە چارەسەرێک بۆ ئەو کێشەیە. بۆیە بڕیارمدا خۆم هەڵبستم بە ئامادەکردن و دواتر فرۆشتنی خوری ئامادەنەکراو – هەمووی بە کوالێتی ئەندامی بە بەکارهێنانی ڕەنگی سروشتی. دروشمەکەم بریتییە لە دابینکردنی کوالێتی بە نرخێکی گونجاو.

پڕۆژەی "Agripreneur" یارمەتی دام بۆ ئەوەی بیرۆکەکانم بخەمە کردارەوە. ئەمە گەنجەکانی هەرێمە گوندنشینەکان فێردەکات بۆ دەستپێکردنی بازرگانییەک. من لە فەیسبووکەوە لەبارەیەوە زانیم، و زیاتریش لەو بارەیەوە زانیاریم وەرگرت لە بۆنەیەکی زانیاری لە ئەل کێف. وە لە کۆتاییدا من داواکاریم پێشکەشکرد بۆ یارمەتی دارایی.

ڕاهێنان و مەشقی چڕ

ئەو پڕۆژەیە ڕێک ئەو یارمەتییەی دابین دەکرد کە من پێویستم بوو. بەشداریکردن مانای ئەوەبوو کە ڕاهێنەرێکم هەبێت بۆ ڕاوێژکردن لەسەر چۆنیەتی پەرەپێدانی بیرۆکەی پڕۆژەکەم. بەشداریم کرد لە زۆرێک لە مەشقە چڕەکان لەسەر توێژینەوەی بازاڕ و بەبازاڕکردن، بۆ نموونە. هەروەها من فێری ئەوە بووم کە چۆن پلانێکی بازرگانی درووست بکەی و بودجەکەم هەژمار بکەم.

هەروەها پڕۆژەی "Agripreneur" یارمەتی داراییشی دام. ئەمە مانای ئەوە بوو کە بتوانم دوو ئامێری دروومان بکڕم، هەروەها کەلوپەل بۆ بۆیەکردنی خوریەکە و مێز و کورسی بۆ ستۆدیۆکەم. لەگەڵ خوریەکەدا، هەروەها من بەرهەمی چنراویش دەفرۆشم وەک بەڕەی کیلیم لەژێر ناونیشانەکەم "Margoum décoration intérieure". ئێستا من چوار کارمەندی ژنم هەیە و دەمەوێت بازرگانییەکەم فراوان بکەم. ئەمە وادەکات کە هەم کاری زیاتر و هەمیش کەلوپەلی کوالێتی بەرز دابین بکەم بۆ هەرێمەکەم. هەروەها من بەردەوامی دەدەم بە نەریتی دەست ڕەنگینییەکەمان.