نیا کام سیکھنا یا اپنا کاروبار شروع کرنا ان چند کاموں میں سے ایک ہے جس کا بہت لوگ خواب دیکھتے ہیں۔ پاکستانی – جرمن فیسیلیٹیشن اینڈ ری انٹی گریشن سینٹر (پی جی ایف آر سی) خواب کو حقیقت کا روپ دینے میں مدد کرتا ہے۔ یہ اپنے شراکت دار اداروں کے ساتھ مل کر دیگر چیزوں کے ساتھ ساتھ پیشہ وارانہ تربیت بھی فراہم کرتا ہے۔ اِن میں سے ایک موٹرسائیکل مکینک کا تربیتی کورس بھی ہے۔ ایک جھلک پردے کے پیچھے کی۔

اپنی ورکشاپ کا خواب

سلیمان لاہور کے ضلع شیخوپورہ کی سڑک پر قائم ایک جدید تر دکھائی دینے والی ورکشاپ میں موٹرسائیکل کے خراب انجن کے ساتھ کھڑے ہیں۔ وہ کاربیٹر کے ہر ایک پرزے کو اچھی طرح دھو کر صاف کررہے ہیں۔ وہ اس وقت موٹرسائیکل مکینک کی تربیت حاصل کررہے ہیں جو انہیں مستقبل قریب میں اپنی ورکشاپ کھولنے کے قابل بنائے گی۔ سلیمان دو سال قبل ہی پاکستان واپس آئے اور انہوں نے موٹرسائیکل کے پرزوں(سامان) کی دکان کھولی ۔

لیکن انہیں یہ ایک ہفتے بعد ہی کورونا کی وبا کی وجہ سے دکان بند کرنا پڑی۔ وہ 15 مہینوں تک کرایہ دیتے رہے لیکن آخرکار انہیں وہ دکان بند کرنا پڑی۔ سلیمان اپنے مستقبل کے حوالے سے پریشان تھے لیکن پھر انہیں سوشل میڈیا سے پاکستانی – جرمن فیسیلیٹیشن اینڈ ری انٹی گریشن سینٹر(پی جی ایف آر سی) کی جانب سے کرائے جانے والے موٹرسائیکل مکینک کے تربیتی کورس کا علم ہوا۔ قسمت نے ان کا دروازہ کھٹکھٹایا۔ سلیمان کہتے ہیں’میں نے اسی وقت فیصلہ کیا کہ میں اپنے ہنر کو بہتر بناؤں گا۔ میں اپنی نئی ورکشاپ کھولنا چاہتا ہوں ۔ تربیت مکمل ہونے کے بعد جتنا جلدی ممکن ہو میں اپنے کاروباری منصوبے کو عملی جامہ پہنانا چاہتا ہوں۔‘ انہوں نے فوری طور پر پی جی ایف آر سی سے رابطہ کیا اور تربیتی کورس کے لیے اپنا اندراج کرایا۔

خوابوں کا حقیقی مواقعوں میں ڈھلنا

تربیت کے دوران عملی سبق (کام) ایک بڑی ورکشاپ میں دیا جاتا ہے جہاں جدید اوزار ہوتے ہیں اور وہاں بہت سی موٹرسائیکلز ہوتی ہیں جن پر طلبہ خود کام کرسکتے ہیں۔ پیچھے کی جانب ایک لیکچر ہال بھی ہے۔ سلیمان پہلی صف میں بیٹھے ہیں وہ 2019 میں پاکستان واپس آئے ہیں۔

تربیت حاصل کرنے والوں میں سے ایک اسحاق بھی ہیں۔ انہیں اپنے رشتہ دار سے تربیتی کورس کا علم ہوا۔ وہ 2015 میں قطر منتقل ہوئے لیکن صرف 5 ماہ بعد ہی صحت کے خدشات کے باعث اُنہیں پاکستان واپس آنا پڑا۔ اُس کے بعد سے وہ ایک کپڑے کی دکان پر کام کررہے تھے لیکن انہیں ہمیشہ سے مکینک بننے کا شوق تھا۔ یہ تربیتی کورس ایک بہترین موقع تھا۔ تکنیکی صلاحیتوں اور کاروباری تربیت کے ملاپ نے مجھے یہ سمجھنے میں مدد کی کہ کاروبار کیسے کھڑا کرتے ہیں۔ میرا منصوبہ ہے کہ اِن اوزاروں کا استعمال کرتے ہوئے ایک موبائل(چلتی پھرتی)موٹرسائیکل ورکشاپ چلاؤں۔ اسحاق نے سمجھانے کے انداز میں بتایا کہ اس طرح وہ صارف کے پاس جاکر وہیں بائیک ٹھیک کرسکتے ہیں۔

ورژن: 01/2022