اپنے کاروبار کے لیے سامان

کاروباری ترقی کے سبق نے مجھے سکھایا کہ فوٹو سٹوڈیو کیسے قائم کرتے ہیں اور کیسے اُسے کامیابی سے چلاتے ہیں۔ اس کورس سے ملنے والی معلومات سے مجھے احساس ہوا کہ میں اپنا سٹوڈیو کھولنے کےلیے بھرپور  تیار ہوں۔ مجھے ایک پیشہ وارانہ کیمرا، فلیش، ٹرائیپوڈ اور کیمرے کا بیگ فراہم کیا گیا۔ اس سامان کے بغیر میں اپنا کاروبار شروع نہیں کرسکتا تھا کیونکہ وبا کے دوران میں اپنی تمام جمع پونجی خرچ کرچکا تھا۔

فوٹو سٹوڈیو کے ساتھ نئی شروعات

آخر کار نومبر 2021 میں میں بالکل تیار تھا؛ میں نے قصبے کے مرکز میں ایک سٹوڈیو کرائے پر لیا۔ میرے کام میں زیادہ تر پاسپورٹ کے لیے تصاویر، پورٹریٹ اور مصنوعات کی تصاویر لینا ہوتی ہیں پھر مجھے تقاریب میں اور فیشن کی تصاویر کا کام بھی ملنے لگا۔ ابتدا میں میرا بھائی میرے لیے کام کا انتظام کرتا تھا لیکن اسی دوران میں نے اپنا نیٹ ورک قائم کرلیا ۔ میں نے جاپانی کارساز کمپنی کے مقامی شوروم کے افتتاح کی تصاویر بنائیں اور کپڑوں کے ایک مقامی برانڈ کے لیے بھی فیشن شوٹ کیا۔ فی الحال میری پاکستان کے ایک بڑے کھانوں کے ہوٹلز کی مقامی برانچ کی افتتاحی تقریب کی تصاویر لینے کے حوالے سے بات چیت چل رہی ہے۔ 
میں ساتھ ساتھ یہ بھی دیکھ رہا ہوں کہ مارکیٹ کیسے آگے بڑھتی ہے اور میں اپنے کاروبار کو اسی حساب سے بڑھاؤں ۔ اب میں کاپی، دعوت نامے اور تصاویر کی چھپائی کی خدمات بھی فراہم کررہا ہوں اور ساتھ ہی کمپیوٹر اور موبائل فون کا سامان بھی فروخت کررہا ہوں ۔ جس سے میری کمائی میں اضافہ ہوا ہے۔
 

میرے کام کی مانگ

کاروبار بہت اچھا ہے۔ مجھ سے کافی لوگ تقاریب کی تصاویر بنوانے کے بارے میں پوچھتے تھے تو میں نے اب فری لانس فوٹوگرافرز کو بھی رکھ لیا ہے۔ یہ زیادہ تر شادیوں پر تصاویر بناتے ہیں۔ میں اکثر خواتین فوٹوگرافر کے ساتھ بھی کام کرتا ہوں کیونکہ یہ اُن تقاریب کی بھی تصاویر بنا لیتی ہیں جہاں صرف خواتین شریک ہوتی ہیں۔ اس کے ذریعے میں نے مارکیٹ میں جو خلا ہے اُس کو ختم کردیا ہے۔ میں تقاریب کی ویڈیوز ریکارڈ کرنے کی خدمات بھی پیش کرتا ہوں اور اس کے لیے میں نے ڈرون کیمرا اور پیشہ وارانہ کیمرے بھی خرید لیے ہیں۔ 
 

پی جی ایف آر سی کے ساتھ رابطے میں

میں پی جی ایف آر سی ملنے والی مدد پر بہت ممنون ہوں۔ میں اب بھی وہاں کے مشیران سے رابطے میں ہوں۔ میرا مشورہ ہے کہ متجسس رہیں اور نئے خیالات کو خوش آمدید کہیں اس سے نئے مواقع ملتے ہیں۔ میں اپنی پیشہ وارانہ ترقی کو جاری رکھنا چاہتا ہوں اور جلد ہی کاروباری ترقی کے ایک نئے تربیتی کورس میں شامل ہوں گا۔ جو مجھے سکھائے گا کہ کس طرح اپنے کاروبار کو جاری رکھوں اور اُسے مزید ترقی دوں۔ میں کام کی مشہوری (مارکیٹنگ) میں بھی شامل ہورہا ہوں اور فیس بک پر اپنا کاروباری صفحہ بھی تیار کررہا ہوں۔  میرا منصوبہ نئے کاروباری مرکز میں ایک بڑے سٹیوڈیو میں منتقل ہونا ہے۔ آج مجھے یقین ہے کہ میری کامیابی دیرپا ہوگی۔