’جب بحران آتا ہے بہت سے افراد اپنے آبائی ملک لوٹ جاتے ہیں‘

آپ کس قسم کی خدمات فراہم کرتی ہیں؟

ہم خدمات کی فہرست کافی طویل ہے، جس میں مختلف تربیتی نشستیں اورگروپس(گروہی)تربیتی نشست کا انعقاد شامل ہے۔اس میں مستقبل کی رہنمائی کے حوالے سے کورسز اور ملازمت کی قابلیت اور نوکری کی درخواست دینے کا طریقہ کار، سماجی صلاحیتیں نکھارنےاور نئے کاروبار شروع کرنے کے حوالے سے کورسز شامل ہیں۔ لیکن ہم لوگوں کو انفرادی طور پر بھی مشورے فراہم کرتے ہیں کہ اُن کیلیے کیا مواقع اور امکانات موجود ہیں۔ ہماری گفتگو کھلی ڈلی ہوتی ہے اور ہم کوشش کرتے ہیں کہ ہر شخص کو  اس طرح مشورہ فراہم کیا جائے کہ وہ اپنے لیے بہترین راستہ تلاش کرسکیں۔

کیا کورونا کی وبا کے باعث آپ کو منصوبوں میں ردوبدل کرنا پڑی؟

مواد کے لحاظ سےزیادہ بڑی نہیں اور فراہم کی جانے والی خدمات بھی بمشکل ہی بدلی گئیں۔ہمیں کچھ اداراتی تبدیلیاں کرنا پڑیں،آغاز سے قبل ہم نے حفظان صحت کے اُصولوں کے تحت حکمت عملی ترتیب دی جو جی آئی زیڈ کی خصوصیات اور مصری حکومت کے اقدامات پر پورا اترتی ہے۔اس وقت ہمارے تربیتی کورسز میں 20 کے بجائے صرف10 افراد ہی شرکت کررہے ہیں۔عمارت میں داخل ہونے سے قبل ہر شخص کو فیس ماسک اور ایک قلم فراہم کیا جاتا ہے،جس کو بعد میں کوئی استعمال نہ کرسکے۔ہم نے ہر جگہ جراثیم کش اسپرے اور کمروں میں انفرادی مشوروں کیلیے پینل نصب کیے۔ تمام آنے والوں کا درجہ حرارت مانپنے کیلیے تھرما میٹرز کااستعمال کیا گیا۔

اس کا مطلب ہے کہ آپ منصوبے کے حساب سےاُتنے لوگوں کی تربیت نہیں کررہے؟

جی بالکل،تربیتی سیشنز کے شرکا کی تعداد کو کم کرنا پڑا اور ہم ملک کے دیگر حصوں میں بھی اپنی نشستوں کا انعقاد نہ کرسکے جیسا کہ ہم نے سوچا تھا۔ تاہم اب ہم اپنی ڈیجیٹل خدمات پر کام کررہے ہیں تاکہ اس کی تلافی ہوسکے۔ جہاں ممکن ہو ہم سب کو دکھاتے ہیں کہ اسکائپ یا اس جیسے دیگر پروگرام کیسے کام کرتے ہیں، کیسے اکاؤنٹ بنتا ہے اور دیگر چیزیں کیسے کی جاتی ہیں۔جن لوگوں کو ہم مشورے فراہم کرتے ہیں اُن میں سے زیادہ تر لوگ ان چیزوں سے واقف نہیں ہوتے۔تو ہم ڈیجیٹل خدمات کی تیاری پر کام کررہے تاکہ آن لائن کورس کراسکیں۔

آپ کس قسم کے افراد کی توقع کرتے ہیں؟ آپ کے پاس کون آئے گا؟

شہری علاقوں میں ہمیں خواتین کی اُمید زیادہ ہے اور دیہی علاقوں میں مردوں کے آنے کی زیادہ اُمید ہے۔ جہاں تک قانونی طورپر ہجرت کی بات ہے تو ہم سمجھتے ہیں کہ زیادہ تر مرد حضرات ہم سے مشورے حاصل کریں گے۔لیکن فی الحال ہم اس حوالے سے حتمی طور پر کچھ نہیں کہہ سکتے۔ہم دیکھیں گے کہ طلب کس قسم کی ہوتی ہے اور اسی حساب سے اپنی خدمات تشکیل دیں گے۔میرے خیال میں کورونا کی وبا کے باوجود لوگوں کی دلچسپی ہماری توقعات سے زیادہ ہوگی کیونکہ کئی افراد نئے مواقعوں کی تلاش میں ہیں۔

واپس لوٹنے والوں کیلیے کیا ہے؟

ہمیں واپس لوٹنے والوں کی جانب سے زیادہ رابطوں کی توقع ہے۔جب یہاں بحرانی کیفیت ہے توکئی افراد اپنے آبائی ملک واپس لوٹے ہیں۔ اچانک سے گھر والے اور سماجی ہم آہنگی بہت زیادہ اہم بن گئے ہیں۔

As of: 10/2020