میرا نام عدیل ہے۔ میری عمر 42 سال ہے اور میرا تعلق پاکستان کے صوبے پنجاب کے شہر گجرات سے ہے۔ میں نے ہوٹل منیجمنٹ میں اپنی تربیت مکمل کرنے کے بعد پاکستان اور پاکستان سے باہر دونوں جگہوں پر کئی سالوں تک اس شعبے میں کام کیا ۔ وطن واپسی کے بعد ابتدائی دنوں میں، میں نے تعمیراتی شعبے میں بھی کام کیا لیکن افسوس اُس کام میں زیادہ کمائی نہیں ہوسکی۔ تو میں نے دوسری نوکری کی تلاش شروع کردی۔

طباخ بننے کی راہ

میں نے طباخ بننے کا فیصلہ کیا۔ ایک وقت میں میرا گجرات میں کیفے ہوا کرتا تھا۔ یہ پاکستان چھوڑنے سے قبل سنہ 2008 کی بات ہے لیکن اُس کے بعد میں نے کبھی کھانا نہیں بنایا تو اس لیے میں نے کھانا بنانے والوں کو نوکری پر رکھ لیا۔ ملازمین کا انتظام کار، کھانوں کی قیمت اور اشیا کی خریداری ایک مشکل کام تھا تو اس لیے کیفے کو بند کرنا پڑا۔

میری سمجھ میں یہ بات آگئی تھی کہ اس بار کچھ مختلف کرنا ہوگا۔ میں کھانا پکانا سیکھنا چاہتا تھا۔ میں سیکھنا چاہتا تھا کہ کس طرح سے کاروبار قائم کرتے ہیں اور اس کو کیسے کامیابی سے چلاتے ہیں۔ خوش قسمتی سے ایک دوست نے مجھے ’کلنری آرٹس ٹریننگ‘ کھانا پکانے کا کورس جو کہ پاکستانی جرمن فیسیلیٹیشن اینڈ ری انٹی گریشن سینٹر (پی جی ایف آر سی) کی جانب سے کرایا جاتا ہے کہ بارے میں بتایا۔ میں نے فوری داخلے کے لیے درخواست دے دی۔

فیصل آباد کے انسٹیٹیوٹ آف ٹورازم اینڈ ہوٹل منیجمنٹ (آئی ٹی ایچ ایم) میں ایک ماہ کی تربیت فراہم کی گئی۔ اس کورس میں کھانا پکانے کی اہم معلومات سکھائی گئیں۔ جس میں کھانا پکانے کے طریقے، ترکیبوں میں تبدیلیاں اور حفظان صحت کے حوالے سے معلومات شامل تھیں۔ میں نے انتظامی عملے کےحوالے سے بھی چند چیزیں سیکھیں۔ مجھے سکھایا گیا کہ مینیو کس طرح تیار کرتے ہیں،اشیا کی خریداری، اخراجات کی منصوبہ بندی اور مسائل کو حل کیسے کرتے ہیں؟

میں اپنے پاس ریکارڈ رکھتا ہوں کہ کونسے کھانے زیادہ فروخت ہوئے اور پھر میں اُن کو مستقل طور پر اپنے مینیو میں شامل کرلیتا ہوں۔ اس سے مجھے کھانے والوں کے ذوق اور ترجیحات جاننے میں مدد مل جاتی ہے۔ اس طرح میں اُنہیں وہ پیش کرتا ہوں جو وہ چاہتے ہیں اور اس طرح میرا کاروبار بھی بڑھتا ہے۔

فی الحال میں اپنی جگہ کی تزین و آرائش کررہا ہوں۔ میں یہ جگہ ورکشاپ کے طور پر استعمال کرتا تھا۔ میں اب ریستوران کے ساتھ ایک بیٹھنے کی جگہ بنانا چاہتا ہوں جہاں مہمان بیٹھ کر کھانا کھاسکیں۔ اپنی پیشکش (آفرز) کی تشہیر کیلیے انٹرنیٹ کا استعمال کر رہا ہوں تاکہ زیادہ سے زیادہ لوگ آسکیں۔ میں اب بھی پی جی ایف آر سی والوں سے رابطے میں ہوں۔ مجھے یقین ہے کہ میرا کاروبار مزید ترقی کرسکتا ہے۔

11/2022 تاوقتیکہ

یہ متن آسان زبان میں تحریر کیا گیا ہے تاکہ اس بات کو یقینی بنانا جاسکے کہ یہ سمجھنا ہر کسی کیلیے آسان ہو۔