میرا نام ویلبونا ہے اور میں ایک ڈیری فارمر ہوں۔ میں شادی شدہ ہوں۔ میرے4 بچے اور ایک ماں ہے۔ میں اور میرے گھر والے کوسووو کے ایک گاؤں کوموران میں رہتے ہیں۔ جرمنی ہجرت کرنے سے قبل ہمارے پاس مویشیوں کا ریوڑ تھا۔ ہمارے پاس6 یا 7 گائیں تھیں جن سے سال بھر میں 700 کلو تک گوشت مل جاتا تھالیکن ہمیں اپنے کام کے حوالے سے مشکلات تھیں کیونکہ ہمارے پاس وہ زرعی مشینری نہیں تھی جس کے ذریعے ہم جانوروں کیلیے چارہ تیار کرسکیں۔ ہمیں اس کا ادراک ہوگیا کہ ہم اس میں کامیاب نہیں ہوسکتے۔ تو ہم نے بہتر زندگی کی تلاش میں جرمنی جانے کا فیصلہ کیا۔

میرے خاوند پہلے ہی جرمنی میں 15 برس گزار چکے تھے۔ جب ہم جرمنی پہنچے تو ہمارا خیال تھا کہ سلسلہ وہیں سے جڑے گا جہاں وہ چھوڑ کر گئے تھے لیکن ایسا بالکل بھی نہیں تھا۔ مجھے اپنے خاوند سے الگ کردیا گیا اور مجھے کسی اور مقام پر رکھا گیا۔ یہ بالکل بھی خوشگوار تجربہ نہیں تھا۔ اس کے اختتام پر میں جرمنی لوٹ آئی لیکن میرے خاوند مزید 2 برس وہیں رہے۔میں کبھی گھر نہیں چھوڑتی اگر مجھے علم ہوتا کہ حالات ایسے تبدیل ہوں گے۔

فوری مشینری کی ضرورت

کوسووو میں ہمیں دوبارہ سے شروعات کرنا پڑی۔ میں نے سرکاری مدد کا رتی برابر بھی فائدہ نہیں اٹھایا اور یہ بھی کہ مجھے اس طرح کی مدد کا علم بھی نہیں تھا۔ میں نے خود سے مویشی پالنا شروع کیے جس میں 4 بچھڑے اور 2 دودھ دینے والی گائیں تھیں۔ ہم نے نیا گھر  بھی تعمیر کیا۔ مشینری کے بغیرصورتحال اب بھی بہت مشکل تھی۔
میں بہت ہی خوش قسمت تھی کہ
Deutsche Gesellschaft für Intern ationale Zusammenarbeit (GIZ) GmbH

اورانیشیٹیو فار ایگری کلچر ڈویلپمنٹ اِن کوسووو (آئی اے ڈی کے) کے ساتھ رابطے میں آگئی۔ اس سے مجھے ٹریکٹر خریدنے، دودھ والی مشین اور دیگر زرعی مشینیں خریدنے کا موقع ملا۔ یقینی طور پر اس سے کام بہت آسان ہوگیا۔ تربیتی کورس نے مجھے یہ بھی سکھایا کہ اپنی زمین سے زیادہ سے زیادہ فائدہ کیسے اٹھایا جاتا ہے اورجانوروں کیلیے زیادہ چارہ کیسے پیدا ہوتا ہے۔
میرا کام بہت زیادہ تھکا دینے والا لیکن فائدہ مند بھی ہے۔ میں دن بھر کھلی فضا میں رہتی ہوں میرے بچے میرے ارد گرد ہوتے ہیں۔ میں اُنہیں اچھی اور قدرتی غذا دیتی ہوں اور میں اِنہیں اسکول بھی بھیج سکتی ہوں۔

مجھے ملنے والی مدد کا مطلب ہے کہ میں بطور کسان دوبارہ کام کرسکتی ہوں۔

2021.07 تاوقتیکہ